Framkvæmdum í Kaplakrika hefur miðað hægt undanfarna mánuði og mismikill mannskapur hefur verið á staðnum. Mestur hefur gangurinn verið í frjálsíþróttahúsinu og þessa dagana er verið að ljúka við að hífa þaksperrurnar.

Nokkrar myndir eru komnar inn undir framkvæmdavefinn. Þetta eru myndir sem að mestu voru teknar i mars fyrir fund aðalstjórnar.

Vegna framkvæmda í Kaplakrika eru foreldra beðnir um að brýna fyrir börnum sínum að fara með fyllstu gát um svæðið. Börnum og unglingum sem koma gangandi eða hjólandi á svæðið er bent á að nota undirgöngin sem liggja að og frá Krikanum, bæði frá Álfaskeiði og Setbergshverfinu, alls ekki að fara inn á eða út af svæðiinu gegnum aðalhliðið við Atlantsolíu. Foreldrum sem keyra börn sín og unglinga á svæðið er bent á að láta þau úr bílnum við ný uppsett biðskýli við íþróttahúsið og sækja þau einnig á sama stað, jafnframt því að brýna fyrir þeim að ganga ekki frá íþróttahúsinu í átt að aðalhliðinu, heldur bíða við eða í biðskýlinu.

Nú liggja fyrir teikningar og verkáætlun á framtíðarskipulagi Kaplakrikasvæðisins sem FH og Hafnarfjarðarbær eru búnir að vinna í undanfarin ár. Þetta eru einhverjar mestu framkvæmdir í sögu félagsins og er áætlaður kostnaður rúmur milljarður króna. FH-ingar fá langþráða og glæsilega félagsaðstöðu, frjálsíþróttahús, stúkan verður stækkuð, mikil fjölgun búningsklefa o.m.fl.
Verkið verður boðið út á næstu vikum og framkvæmdirnar hefjast svo með hækkandi sól og eru áætluð verklok 1. júní 2009.

Það eru spennandi tímar framundan í Fimleikafélagi Hafnarfjarðar.